ARIETE A farì s-ciantisi sia coi morosi che al lavoro: ogni tanto ve fora de testa ma tuto torna in tei ranghi. Par chi fusse indeciso tra un amante e l'altro... Basta menarvela! Andè dove ve porta i corni! (Nel senso del segno...)

TORO A gavì pasa vacanse serene coa fameja ma desso xe ora de tronare ale fadighe de ogni giorno. A ve si ciapà un fià in drio e robe da fare ghi nè. Niente paura e vanti!

GEMELLI L'inissio dea stimana el srà molto solcial, come se dise desso, ma dopo gavrì da fare i conti con un po' de problemini. Par chi che ga deciso de meter su fameja, penseghe ben... Par dare sprint ala copia saria mejo un viajo...

CANCRO Stimana tranquia e sensa massa pensieri anche se qualche aciacco podaria darve noia, sopratuto la schena e la testa. Ocio a non esagerare con gli impegni a profitè del weekend per riposarve. 

LEONE Sarà un fine stimana degno del re del foresta, aiutà anca da qualche scheo che dovaria rivarve. No ste fara massa gli sboroni ma comporteve come el vostro ruolo prevede... ROARRR

VERGINE Questo xe il mese del vostro compleanno (almanco par la magioransa de voialtri) e sarà un periodo sereno: organisè pure le feste, sperando che el meteo el sia clemente. Par i diversamente giovani: regaleve qualche cocola in masagi o shopping... 

BILANCIA Manca i schei, ma xe l'unica roba... Par el resto no ve manca ninte! Quindi corajo e soriso e godive sta stimana che la sarà piena de divertimenti anca de qualche picante novità, ma tegniveo par voialtri.

SCORPIONE Prosegue el vostro periodo d'oro: a sì felici, pacifici e l'amor va ala grandissima. E se nol va, no ste tergiversare: quando se sara na porta, se verse un porton! Xe un bon momento par inisiare nove attività o sport. 

SAGITTARIO A non sì ancora uscii dalla modalità "ferie". Se ora de darve na svejada e de far tute quele robe ca xe drio acumularse. Se proprio ghe zè qualcosa che non va, no ste gavì paura de cambiare aria. No bisogna incaponirse massa. 

CAPRICORNO Finalmente se riscominsia col duro lavoro ca tanto ve piase. Queo che no ve piase gnanca un poco xe vedare che i altri, invese, i ga ancora in testa i bikini e i mojito. Portè pasiensa anca parchè i schei i xe pochi, al momento, e xe mejo andar pianin coe robe. 

ACQUARIO Niente poe fermarve sta stimana, gnanca i rompicojoni, ca, ve lo digo subito, no mancarà. Ma voialtri a sì talmente splendidi e superiori ca andarè driti par la vostra strada, par mano con l'amor e con la scarsela piena. CIN!

PESCI Hm, pare che la zente zughi a trove par el cueo, fasendove vedare i vostri difetti come in te un specio... Bizzarie da soportare e magari, anzi mejo, da ingorare: feve i cassi vostri e tuto 'darà ben.