Ariete: Gavì l'ocio lungo e sì drio concentrave in progeti grandi anca se le no sì proprio in forma perfetta. Dedicheve ai mercatini, intanto

Toro: Gavì na situasion sentimentale a dir poco esplosiva. Auguri... Ben invese in tel lavoro, zerchè de non farve predere dall'ansia ca no ghi nè motivo. Sfogheve coi amici

Gemelli: La sarà na bea stimana: sodisfasioni in tuti i campi, dal lavoro ai linsoi. A sì tuti cuoricini e steline e questo ve farà far festa ancora pì volentieri. CIN!

Cancro: L'inisio el sarà duretto, no ve o nego: rompibaee al lavoro e qualche indecision de troppo in tea vita sentimentale. Ocio a no ciaparle... Pitosto dedicheve al vostro peloso, ca ga bisogno de coccole. 

Leone: Qualche rognetta la ghe sarà, sopratuto in tel lavoro, ma voialtri si mia frignette, ansi! Novità coi morosi, momento d'oro pai single!

Vergine: La sarà na stimana con qualche giramento de cojioni, sia al lavoro che coi parenti e amici. No ste farve prendere dal nervoso e zerchè de distrarve in qualeche modo, de dedicarve a voi stessi, na volta tanto. 

Bilancia: Ocio ala spisa da sciopping natalisssio! Controlè bene i conti prima de ndar fora e dilapidare na fortuna. Coi morosi xe un periodo cusì cusì: mejo chiarire subito

Scorpione: La sarà na stimana birichina... Tante tentassion ca ve farà girar la testa! In tel lavoro ghe sarà qualche bea idea, ma la burocrassia no ve iuta: feve na corsetta par diminuir lo stress

Sagittario: Par cominsiare buon compleanno a quei che fa i anni in sti giorni. Forse par le massa feste, gavarì qualche probelma nel prendere decision. Mejo rimandare a momenti pì sobri

Capricorno: Ostici come sempre ma, sta stimana, n'atimin pì verti ale relasioni sociai. Sarà parchè in casa e al lavoro a sì drio barufar anca col gato. Profiteghine. 

Acquario: Stimana un po' de sù e zò (ma non come lo intendì voialtri... porsei!) ma se riva al weekend in piena forma. Cerchè de fare de necesità virtù. 

Pesci: Se podì, toive na stimana de ferie parchè ghe sarà un saco de robe bee e saria un pecà no poderghne aprofitare al cento per cento. Ocio a no farve tor massa la man da spese folli però