Ariete Non sarà mia na stimana proprio ala grande ma no stè trarve zò massa! Serchè de pensar positivo, magari tirando fora qualche vecio progeto. Atenti ai rompibae, ca no i manca.

Toro WOW. Lustrè i corni che, finalmente, xe rivà el momento vostro. Se ghe sarà qualche rogna, a sarì pronti a butarla zò a testà. Ben coi morosi e, se sì single, xe el momento de osare. CIN 

Gemelli Gavì ancora bisogno de un fià de tempo par tornare in forma, magari star de pì coi amici pì cari podaria esere utile. No ste fare i timidi e zerchè de esere pì spensierati.

Cancro La sarà na bea stimana anca sta qua. Profiteghine par far passi avanti sia in tel lavoro che tra i linsoi ;-) ma ocio a no intrabucarve

Leone Godive sto inissio de inverno smonisiando a star pì chieti. Anca i re dea foresta i sta ben in tel divan, ogni tanto. Relax e un pocheta de festa in tel weekend.

Vergine A sarì ciapà dal lavoro parchè gavì proprio voja de avere qualche sodisfasion. Le ocasioni ghe sarà e anca le idee. Mejo lasar perdare i morosi par un poco, ca no xe periodo

Bilancia Anca se San Valentin l'è distante, voialtri gavarì na stimana tutta cuoricini. Ben anca coi amici e le relasion sociai in genere. Ocio a no far disastri in tel weekend

Scorpione Hm, no sarà mia un bel periodo. Portè pasiensa parchè el dura poco, quindi no ste imusonarve massa, ca no vae a pena. Vardeve qualche serie tv co na bossa de quel bon

Sagittario Ben e l'andarà ancora mejo. Voialtri entrè in forma quando le temperature le se sbasa. In tel lavoro ghe xe un progeto novo ma no ste far massa i sboroni coi morosi, che poi barufè

Capricorno A no sì mia al top ma no ste rabiarve, parchè rendì le robe ancora pì difisii, sopratuto par chi ca ga la sfiga de starve intorno. Ste chieti.

Acquario In amore la va malissimo, ve lo digo subito e sensa massa giri de paroe. Mejo in tel lavoro, quindi, asè stare i morosi e dedicheve ad altro

Pesci A sarà na stimana de coccole, gavì bisogno de affetto, se vede, e trovarè chi che ve le fa. Felici e sereni, anca el lavoro ve darà sodisfasion.