Ariete

A sarì un po' diesel sto ano. Un poca de fadiga pa ingranare ma in primavera a sarì pronti per lo sprint finale. In generae, il rendimento sarà bono e non podarà ca andar mejo. I single podaria trovar l'amor (ma no distrarese massa!) e ghe xe un viagio in vista... ca sia la gità o le vacanse?

Leone

Portè pasiensa par l'inisio dell'anno ca sarà duretto, ben invese la seconda parte, quando el vostro fassino tornerà a risplendere e nisun, profesori inclusi, potrà resisterve. Programeve par tenpo par Capodanno ca sarà indimenticabie (se no ve imbriaghè massa). Par l'ammmor niente de particolare ma magari, con un poco de cueo...

Sagittario 

Sarà un grande anno, sopratuto nei mesi invernali, quindi cerchè de conservare energie par la fine, quando a sarì un fià strachi, tra feste e morosi. Sì, parchè questo sarà anche l'anno dell'ammmor...

Toro

L'autunno sarà el periodo mejo ma in generae l'anno andarà ben e sarì bei carichi. Se ve impegnè, i risultà sarà beissimi. Sarì quindi rilasà e podarì anca dedicarve a una storia importante, oltre che ai amici.

Vergine

El sarà un anno tranquio, che par voialtri xe la roba pì importante. Portarè vanti le vostre robe, sensa massa rogne e sfighe, e, con l'inisso del 2018 podaria anca rivare el trampolin de lancio. Ocio a no esser massa gelosi coi morosi. 

Capricorno

No problem, come sempre. Seri e determinati, no ghe sarà obietivo fora dala vostra portata. Se no sì masa impegnà, parchè ghe sarà anca qualche imepgno extra, magari ve trovarè anca el moroso, giusto in tempo par na vacansa indimenticabie. 

Gemelli 

Prepareve parchè sarà un anno de scoa faticoso e frenetico, spero ca ve sì rilasà ben durante le vacanse. In primavera, però, sarì al top de la forma e, se ghe xe stà dele dificoltà, ve riciaparè e gavarì anca un poco de cueo. No ste aver paura de i cambiamenti, i sarà positivi.

Bilancia 

Disemo ca no sarà l'anno giusto par catar morosi e quindi ve dedicarè molto allo studio e gavarì grandi risultati. In primavera l'ammor podaria cominsiar a far capoino, quindi ste tenti de aver studià abastanza nel frattempo. Le stee sugerise una stimana bianca durante le vacanse de Natale.

Acquario

L'inissio, ve lo digo subito, nol sarà dei migliori, con un po' de rognette, sfighe e malumori atorno. Cerchè de portar pasiensa, parchè dala primavera tuto andarà per el verso giusto. Organiseve par n'istà all'estero, ca xe el momento. L'ammmor così così. 

Cancro

Pronti par un anno de oro? Parchè se questo ca ve speta, secondo le stee. Sopratuto in primavera a sarì fulgidi e i obietivi i xe assicurai. Ben par chi che ga el moroso, benissimo par chi che xe single: a sarì circondà de fans. Feste e festoni sopratuto in tea prima parte. 

Scorpione

Decisamente a sarì pì ciapà dai amici e dai morosi che dao studio... Ste tenti se no ve toca pasare l'istà sora i libri anziché al mare! Magari podarisi usare il vostro fassino anca coi profesori, che magari ve va ben istesso

Pesci

No xe mia l'anno vostro, quindi no rabiarse par ogni roba se no fasì disastri. Aprofitè de l'inissio, bono, ma dopo metivea via e 'ndè vanti coa bareta fracà. Forse qualche sorrisetto in ammmor.