Oroscopo vicentino dal 8 al 14 de jenaro
La stria xe andà via e tute le feste xe ga porta via. E deso cossa fasemo?Non ste preocuparve: veo dise lo strologo anca par sta setimana
Come xele ndà le feste de nadale? Gavì trovà queo che sercavi? E pensè de essere pronti par lo sgobo? Ndemo a vedere come che la ndarà sta stimana se volì savere anca par el resto de l'ano alora deghe un'ociada qua.
Par el resto ndè pure vanti e scorpì quale ca xe el segno dela stimana...
Ariete: Na stimana un fià strana sta quà parchè si drio cambiare pele come no scarbonasso anca par queo che rigurda i schei. Se si sposà o insieme a qualchedun ghe sarà la solita minestra. Se invese non gavì nesssun ve la tirarè un poco parché non volì finire coa cadena al colo
Leone: Coa befana gavì inscominsià benin, ma me racomando de non far sciopare el tapo dea botilia teniendove masa soto presion con le storie che gavì impiantà. Deghe dentro: gavì passà na fase de crisi, ma deso le stele ve varda de bon ocio.
Sagittario: El consiglio xe de assar stare le barufe par tuta la stimana. Stasì boni. Par quanto riguarda la forma, a sì un fia strachi parchè ste sopportando masa. Stasì chieti e, me racomando, volive un poco de più de ben.
Toro: La luna ve farà ben sta stimana. Si in fase de recupero par quanto rigurda le emosion e dopo tante roture di bale andarè pian pian recuperando fino al fine stimana dove ve sentirè dele roce. El mejo vien alla fine, quindi ste sereni.
Vergine: Sole e Venare xe dala vostra parte fin dala befana. Podarì vere ancora smaronade in fameja o con i amisi dele carte. Ma se metì le cose in ciaro tuto andarà per el verso giusto.
Capricorno: A xe scominsià l'ano dove dovar tirar fora i cojoni. Sta stimana la xe bona e podarì cavar vora qualcosa de bon dale idee e dai propositi. Podarisi ver anca na conferma verso marti o mèrcoli. Se si da soli, tiravela un poco, se gavì morosa o moroso da tanto, deve da fare per sistemare le robe.
Gemelli: Qua a ghe xe un poche de rogne. Anca sta stimana continuè na fase un pochetin straca. Se gavì vudo na crisi a dizembre, ste quieti: niente ciacole e assè stare le barufe. E andè in leto presto, che ve fa ben.
Bilancia: La balansa la gà ancora la luna che ghe varda le spale, ma non dovì vere peli sua lingua e parlare ciaramente. Zenaro xe scominsià con un poche de domande quindi dovarì bestemare ancora . Ma da febraro gavì tute le stele dala vostra parte. Co l'amore un poca de mareta e anca neo sgobo con el vostro capo.
Acquario: Un ano che ve gà tirà a simento el 2017. Ve se capità de ndare fora de testa quasi al limite e l'inisio del 2018 dovarì sfogare el nervoso dei mesi passà par tirare i remi in barca. Tra mèrcoli e zobia nervoso a maneta ma le stele le sta lavorando par vojaltri: quindi corajo!
Cancro: Gavì vudo na luna bona fin ieri ma sì ancora agità e rognosi. Par sta setimana podarì fare i conti con chi sputana el vostro omo o la vostra dona. A metà dea setimana podarè tirare el fià ma stasì tenti verso la fine.
Scorpione: Sio pronti par partire in quarta e vegnier fora dal buso? Bon, parché el 2018 a xe la volta bona par farghea vèdare a tuti che non si l'ultima rua del caro. Scuminziè sta stimana: mèrcore e zobia i dì mejo.
Pesci: Primi sie mesi da darghe dentro come fureti! A xe la volta bona par capire che casso volì fare e anca farlo. Sta stimana stasì però tenti a vènare: podarissi vere dei grossi scassi. Ma non stè a preocuparve: el resto dea stimana sarà na figada, sopratuto al mercore e al zobia.