Blog

Oroscopo vicentino dal 13 al 19 febraro

Qua tra San Valentin e carnevae no ghe xe tempo de noiarse trane lo strologo che el ga deciso ca el xe massa vecio par lavorare e el vol subito la pension... forse el ga bevù massa sto fine stimana

"Xe corto febraro: meso dolce meso amaro" i dise i veci. Semo zà a metà e come selo sta par voialtri? La metà dolse o la metà amara? Se voli saverghine de pì su SAN VALENTIN schisè chi sora  





se no andè pure vanti.
 

FOGO

Ariete
:  Xe un momento bon par i viaggi e le trattative, quindi vestive ben e laveve. Le sodisfasion in tel sgobo le xe drio l'angolo. In te l'amor, i single faria ben a riempirse el frigo de vin bon, qualcosa dovaria rivare, ma ricordeve sempre el deto: prima el dovere poi il piacere

Leone:  Xe el momento dei afari e zerchè de far schei, ca no la gira mia sempre ben. Vardeve ben drio le spale, però: sia in tel sgobo che a casa ghe xe qualchedun ca zerca de crearve problemi. No ste aver paura e afrontè tuti a viso aperto. 

Sagittario: Hm, no la va mia massa ben, gavì bruti pensieri ma no ghe xe una rason reale, dise le stee. Zerchè de vadere le robe con pì otimismo, o magari solo con realismo, e vadarè che le robe scominsiarà a indrisarse. 

TERA

Toro:  No la sarà mia na stimana bona. Barufè con tuti, dal lavoro, ala fameja ai amici e anca coi morosi. Zerchè de vedere el bicere meso pieno (e poi de riempirlo): xe ora de cambiar qualcosa, de far pulissie de primavera con un certo anticipo... Deve da fare

Vergine: Mamma mia, a sì ispidi come un porcospin. Baruffe in ogni angolo e la tentasion de mandar tuti in mona: ste chieti par carità e spetè ca pasa la buriana. Magari adasì fora, ca podarisi fare incontri interesanti...

Capricorno: A sì stracchi, poco da dire. gavì vudo un botto de robe da fare sto mese, e le stee ve consija de misurar le forse in sti ultimi giorni de febraro, se no s-ciopè! Dedicheve ai morosi, ca in camera da leto ve dismenteghè tuti i pensieri: la passion xe a 1000!! 

ARIA 

Gemelli
:  Affari e sesso sto giro i va a braceto... bon par voialtri. Xe el momento de sarar le tratative, sia in tel sgobo sia con chi ve piase: el suceso xe asicurà. Spetè però la seconda parte de la stimana: fin mercore podaria eser qualchedun ca zerca de metrve i bastoni tra le rue...

BilanciaAllora, disemo che no la sarà una stimana fassile, ma gavì le stee e tuti i pianeti par afrontare le dificoltà al mejo e vignerghina fora da vincitori. l'attivita in te a camera da leto la xe a 5 stelle... ricordeve de comprar le mudande nove ;-) CIN

Acquario: Eh anca par voialtri xe ora de meter sù le mudande nove e farvele cavare quanto prima. L'eros xe ale stele e sarie beo profitarghine. A sì parfin romantici... quindi mejo se ciapè ferie e ve sarè sù coi morosi...

ACQUA

Cancro: Sta stimana sarì boni de sarare quea tratativa ca la va vanti da quel dì, parchè finalmente a sì pì lucidi. Le robe no le va mia massa ben, invese, coi morosi e le tentasion xe pena fora dala porta. Ocio a non far casin. 

Scorpione: Ghe xe qualcosetta da riveredere, vero? Gavì lassa massa robe in sospeso e, come se dise, i nodi i riva al petene. Ste sù e deve da fare, ca le sodisfasion rivarà in tel weekend, soprtauto coi morosi o co novi arivi...

Pesci: Mejo torse un momento de riflesion, cosa disio? Ghe xe un fiatin de robete da sistemar, sia in tel sgobo che a casa, naca parchè voialtri sì cambià. Tolive tempo e zerchè de capire dove ca gà da cambiar el resto.


Allegati

Si parla di