Oroscopo della settimana
Con la super luna xera difise vedar le stee ma lo strolgo ne gha asicurà che lo ga fato... Vedì voialtri
Ariete: : Nsomma, dovì darve n'atimo da fare, parchè voialtri a sì bravi e ve adoperè però le robe xe mia drio nare come ca meritarisi. Magari xe anca parchè a fasì tuto de corsa e sensa rifleter masa, come quea volta ca gavì regalà un frullatore ala morosa e ve lo ga tirà drio. Penseghe su prima de far le robe.
Leone: Voialtri, se sà, col caldo girè a mille ca fasì parfin fastidio. Grintosi e sboroni come ca savì eser solo voialtri, podì parmetervelo parchè xe drio ndar tuto ben. Unica roba, anca voialtri ste tenti a chi che gavì atorno o ris-cè de pasar da re dea foresa a miceto ca sofia. In amor la va ben ma evitè massa irruenza: xe caldo...
Sagittario: Marria santa, speremo che i ve cava via le frecie (no quele dela machina, parò) se no sto giro copè qualchedun. A sì nervosi ca metà basta e sì drio barufar anca col can del piganataro, che nol zentra ninte. Magari xe parchè gavì barufà col vostro amor? Dei, deve na smossa e risolvì le robe.
Toro: Ah benon, finalmente l'incontro ca gavì spetà par mesi xe drio rivare: zerchè de farve trovar preparà e no vestii come quando cusinè ala sagra del pesse, anca parchè el famoso sogno in tel cassetto podaria saltar fora. Spermo no coi calsiti spajà che gavì meso sora. Anca se no veo meritè, ciulè come quei bei famosi. Beati voialtri
Vergine: Lassè perdare el lavoro sta stimana: a sì un disatro su tuti i fronti. No ste ciaparvela ma no podì mia eser sempre i primi dela classe. Infatti, diventè umani e i morosi i xe contenti. Aprofitè dea sfiga par farve qualche trombata de pì.
Capricorno: Na roba sola: assè perdare. Davero, so mia drio schiersare. Sta stimana ve va tuto mae, robe ca sbajè parfin a ordinare al bar. Gavì sempre el vostro fassino, par carità, ma la capela xe in agguato e xe mejo evitar tuto. Magari in tel weekend deve na bota de vita.
Gemelli: Anca voialtri rimbocheve le maneghe, anca se no le gavì parchè se more dal caldo, e deve da fare parchè le robe ca volì no le casca mia dal cielo e se sucede ve ciapè anca na bota in testa. Deve na smossa anca coi morosi, ca xe ora de metar la testa aposto.
Bilancia: Ve svelo un segreto, esiste anca la sfiga e, ve digo, sto giro la gavì tuta voialtri. Sucede, no ste disperarve ma, invesse, vardè con pì calma le robe e ste sereni. Le decision ca prendarè la sarà giusta. E se no... ceste.
Acquario: Bon, ciapeghe dentro. Xe rivà el momento de darve na smossa e centrar quei obietivi ca ve sì prefisà, sperando ca i gabia un senso, conosendove. Ve sì cacià in un saco de casini ma sto giro podarisi risolverli.
Cancro: A sì sempre i soliti ingenui e ve fidè massa dele persone ma savì zà come ca la va a finire... Santa pasiensa, valutè ben chi ca ve circonda se no volì trovarve con la sen e dosento giri da pagare!. E savì cosa ca gavì da fare? Ciapè su i morosi e sareve sù na stimana (fè scorta de acqua e compreve un ventilatore però).
Scorpione: Sta stimana a sì stranamente inteligenti e acuti, roba che vostra mama no ghe crede. Invesse la xe proprio cussì. Quindi, concentreve ben e ciapeghe dentro ca xe la volta bona ca risolvì dele question difisili de lavoro. E dopo tanta fadiga de giorno, ve tocarà fadigar anche de note... mejo de cussì...
Pesci: Anca se sì nervosi e no se mia periodo par spese folli, a sarì in grado de tigner bota a una serie de baruffe ca gavì tirà su. Sarà par un colpo de sole, scambià par uno de fulmine, podarisi anca trovar la persona giusta o, se gavì za el moroso, le robe le ciapa el volo.