Oroscopo dea stimana
Le scoe xe finie e se rimasti a studiare solo quei che ga la maturità. Lo strologo la ga sa fatta e ga pasà el weekend ala 24 H de Costa... Chissà come che le ga viste le stee...
Ariete: A sì cusì fulgidi ca fasì abronsare anca Morticia Addams. Le robe le va decisamente ben, sia in tel lavoro, dovè sprissè lucidità ed eficensa (ma ocio ca i no se aprofita...) e anca a trombare no se poe dirve ninte, disì ai morosi de preparase a sudare. Ste tenti mercore e zobia: sì cusì distrati ca ve scordè parfin le ciave de casa
Leone: A sì beissimi. Cotoneve pure la cresta e fasì i sboroni in giro, ca nisun ve poe fermare. Se prefarì, nol xe reato gnanca riposarse, ah. Nisun ve romperà i cojoni (strano ma vero). Se sì single, parò, ve consijo de farve un gireto. Ve casca tuti ai piè e non par l'alito. Ocio al fine stimana, però: la magia podaria spegnarse...
Sagittario: Sto giro a sì manco caotici del solito e quindi podarisi evitare tuti quei casini ca ve vien sù parchè a sì sempre sbrindoli. Aprofiteghine par tor qualche decision, prima ca ritornè mati come al solito. L'istà ve porta ben pai schei e anca l'amor dovaria funsionare come ca se dise.
Toro: Ahmmariasanta. Se questa xe la vostra stimana de ferie, auguri grossi. No ve ne va ben una: sa andè al mare piove e se andè sui monti... o stesso. Anca sa non mete piova da nesuna parte. Se invesse sì de lavoro, metive in mutua o deve par malà. A sarì cusì sfiga ca se uscì de casa ris-ciè de perdarve... Verso el fine stimana la va mejo: corajo.
Vergine: Eh, sto giro la vostra leggendaria pedanteria nol ve salvarà: ve serve anca un pochetin de cueo. Ve consiglio de sarar la boca se non volì trovarve in tei guai, parchè a sarì nervosetti e i capi no i gradisse, se sà. Mercore xe un buon giorno par dedicarse a chi ve voe ben: gavì bisogno de colsolasion e anca de straviarve fora...
Capricorno: A gavì pì sfiga de chiunque. No ste incasarve (sopratuto con mi, ca son de voialtri) ma, pitosto, sareve in te na caneva ben fornia. Ghe xe da dire, però, ca cateremo solo le bosse ca sa da tapo. Oh, pasiensa, tuto pasa, come le sbornie.
Gemelli: Bracin corto lo gavì sempre vudo e sta stimana a sarì particolarmente precisin in te a gestion dele finanse, quindi a sarì sereni. Se sì singol, xe la volta bona che bechè qualcosetta, se gavì morosi, ve speta na stimana faticosa, in tel senso bon. Ghe xe qualchedun ca vol romperve i cojoni ma no ste badarghe.
Bilancia: Tocheve gli amuleti parchè, dopo un inissio bon, a metà stimana ve riva na sfiga drio che l'altra e no ghe podì farve ninte. El me consiglio, come par la Vergine, xe de usare el cueo. Se no lo gavì, pasiensa: pensè ca non podemo perdere el mondiale ai rigori...
Acquario: Disemo che pasienti no lo sì mai stà, gnaca quando ca andè dal dotore, e sto giro gavì da star tenti de no sc-iopare. Gavì anca rason, parchè sta stimana no la va drita una ma no xe mia il caso de aderire a qualche seta satanica. Mejo ciapar le robe con calma e spetare ca pasa la sfiga.
Cancro: No podì lamentarve, dai, ma se qualchedun ve dise qualcossa ve sugeriria de scoltarlo. Ne xe ca gavì sempre ragion voialtri. Pal resto le robe le va bastansa ben, sia in te lavoro che coi morosi.
Scorpione: Ste chieti e bevive un spriss. Sta stimana xe mejo ca no usè il vostro istinto (ca no xe gnanca sto gran che, par dirvea tuta) ma ve invitaria a rifleter n'atimo sule robe. Magari al bar e legendo el giornale. Col caldo xe fadiga lavora par tuti, ma a voialtri l'energia no a manca e quindi no tirè fora scuse, magari no ste far legere l'oroscopo al capo. Infine, ve riva anca un par de botte de cueo... Corajo.
Pesci: E bravi i me pesetti. Sta stimana ve la cavarè non coa vostra fortuna ma parchè ve metì de buona lena par rivare a queo che volì. N'atimo però: xe volì perdare 20 chili de pansa prima de andare al mare, no. Bravi sì, miracoli no. Pal resto tuto ben, sia al sgobo che in tea camera da leto. Ocio ai primi do dì, ca ghe xe qualchedun ca vol romperve i maroni. Assè stare.