Oroscopo della settimana
La stimana xe scominsià soto un temporalòn: ca sia un segno bon o funesto? Vedemo cosa che dise le stee
Ariete: Gavì sà stapà el proseco? Questa stimana fasì sc-iopi come i tapi! A sì decisivi come Pirlo e le punission ve va dritte in porta ca gnanca Robi Bagio. Da zobia in poi, podarisi anca incontrar gente importante e bea. Deghe dentro.
Leone: Ah, xe proprio el vostro momento. Godivelo! Tuto queo ca gavì pasà no xe sta inutie ma ve ga reso pì forti e fassinosi. Basta ca ve ne rendì conto, se no xe stà fadiga inutie.
Sagittario: Ste chieti e bevive no spriss. O do. No se mia un bel periodo ma se si massa agità le robe le va anca peso. Le stee dise ca qualchedun de voialtri podaria anca dare un tajo neto con la rutin ma pensghe ben. Magari spetè n'atimo ca nel uikend se ciava ;-)
Toro: Portè pasiensa, el vostro perioda sarà st'istà, con 40 gradi al'ombra de iorno e zanzare de note. Oh, no ste caiparvela co mi, ansi, metila in quel posto ala sfiga e sfoderè un soriso. Funsiona sempre.
Vergine: Moeghea de programare ogni roba: i morosi i se stufa de far l'amore con l'agendina in man. Queo va ben al lavoro, dove sì bravi come sempre. A fasì anca un fiatin fastidio. Anca par voialtri el momento top xe in agosto, quindi serchè de farvea pasare intanto.
Capricorno: Ben dai, a sì in piena forma e la grinta, come sempre, no ve manca. L'unica roba xe ca se el moroso xe partio par el Mexico da mesi, magari saria anca ora de darghe un tajo. Ndè fora ca el mondo xe pien de gente.
Gemelli: Mi ve lo gavevo dito de ciaparghe dentro. Desso scominsia un periodo un pochetin sfigà. Se volì partire par l'Australia, lassè perdare e pensè invese ca gavì tuti i calziti spaià. Se manco esotico ma no podì mia girar co e calse diverse...
Bilancia: Marria santa, ca rompibae ca sì. Discutì con tuti e tuti ve manda in mona. Fasive dele domande e deve dele risposte. Intanto ca ve respondì, bevive un goto, ma da soi, se no barufè anca col barista.
Acquario: Ma quanto casìn fasio? Ciamè qualchedun ca ve daga na man prima de finir in psichiatrico! I pì veci sarà anca rimbambii, ma i zovani i xe drio far come Balotelli. Deve na calmada.
Cancro: Stimana bona ma xe ora de mandar in mona qualchedun ca ve da el nervoso. Usè le vostre armi diplomatiche, se le gavì, se no... pasiensa.
Scorpione: Alora, le robe le scominsia andar mejo ma sarà in agosto ca farè sc-iantisi. Però ve rabiè un fiatin masa e ve fa mae ala salute. Deve na calmada.
Pesci: Anca voialtri, come quei bipolari dei gemei, gavarì dovuto ciparghe dentro prima. Desso scomisia qualche problemin, anca coi morosi. Se le robe ve va mae, podì sempre trarve in tel foso, ca no neghè mia.
Ariete:
Toro:
Gemelli:
Cancro:
Leone:
Vergine:
Bilancia:
Scorpione:
Sagittario:
Capricorno:
Acquario:
Pesci: