L'oroscopo di Ferragosto
Edision speciae par el lungo Ponte de Ferragosto... sto giro el storologo xe gà sprecà
Ariete: No i sarà mia giorni masa chieti: massa gente ve ga roto i cosidetti e ve si anca stufà. Lassè stare, magari ametì qualche torto, e zerchè de becar qualche stea cadente... Un desiderio el se avererà. Ocio ai schei, però
Leone: Mejo preferre el riposo ai festoni: xe rivà el tempo de riposarse, anca par voialtri leoni e leonesse. Ghe xe qualchedun ca cerca de meter astio tra voialtri e qualche persona cara, steghe distante. Mare o monti, deve na bea calmada.
Sagittario: Hm, disemo ca xe mejo ca ciapè le robe con filosofia parchè qualcosetta podaria andare storto, in tea salute, in te l'amor o nei schei. Multe, rognette e baruffe xe drio l'angolo. Se no gavì alternative, sareve in casa, ma ocio anca ala fameja...
Toro: Ciò, pare che qualche dun fasa aposta a capire quel chel voe. Mejo lassar perdare e pensè invese a organizare par el Ponte, se no lo gvì anora fato. Ghe sarà ocasion de fare incontri interesanti, anca hot.
Vergine: Qualche probelmin de salude? Aprofitè del Ponte par curarve, ca xe mejo. La xe 'ndà in ferie anca la vostra precision... tignì soto man el numero dei ogeti smarii. Qualche lite coa fameja ma nuovi amori in vista pai single, magari no solo estivi.
Capricorno: Nervosi o sì sempre ma stavolta gavì anca rasòn. Ocio ai schei e cerchè de dedicarve ai morosi, ca i gavì un fiatin trascurà. Una bona notissia in arrivo.
Gemelli: Periodo balordo, un po' sù e un po' sò. La roba importante xe de circondarse de persone simpatiche per far festa e sopratuto del amor vostro. Pai single ghe xe anca speransa... Ste tenti ai stravizi.
Bilancia: Disì "arivederci" al solito tran tran, ca sì stufi smarsi. Anca se no xe fasile dismentegare i probelmi, fasì na valisa picoeta e lasei casa, anca par na gita fora porta de un giorno. Fasive corajio, parchè le stee xe dala vostra parte: osè!
Acquario: Scelta dificile davanti... Cerchè de non afidarve al testa o croce ma metive ben a ragionare su cosa ve sta pì a cuore. Tignive distanti da prepotenti e scassamaroni e el vostro Ferragosto el sarà decente.
Cancro: Deme reta: assè stare tuto e pensè solo a riposarve e divertirve, parchè gavì tirà un po' massa la corda. Ciamè i amici ma ste tenti a no lassarve sfugir qualche paroa de troppo. Una grossa novità in arrivo.
Scorpione: Aprofitè del relax par scominsiare a fidarve de qualchedun ca ve dava sospetti, ne vae a pena, ma podarisi cambiare idea su qualche "amigo". Mejo lassar stare el sgobo parchè ghe xe altro ca barufe in arrivo... Deve alla fuga, qualche avventura podaria aspetarve
Pesci: Ghe sarà un fiatin da tribolare su un po' de robette pratiche e forse anca de salude. Feve corajo e tuto andarà ben ma ocio ca sì un fiatin massa distratti. Podaria anche capitarve un colpo del fortuna coi schei.
.