Oroscopo della settimana dal 18 al 24 dicembre
Xe scominsià el periodo dee cene e dei auguri ma lo strologo ghe la ga fata a dirne come la sarà sta stimana prima de Natae
Ariete: No la se mia una bea stimana e prepareve, parchè anca l'inissio del 2018 no sarà semplice. Calma e zerchè de capire cosa no va.
Leone: La sarà na stimana de combatimenti, sia coi morosi che pai schei. Come se dise, "paura e sen mai vude" e alora vanti!
Sagittario: Finalmente gavì capio che fare polemiche inutili no serve e, ansi, fa dani. Godive sti giorni de feste, sensa esagerare se no rivè al 2018 con qualche chilo de troppo.
Toro: Finalmente anca par voialtri xe arivà el momento de tirar fora qualche bel soriso. Le robe le scominsia a andar mejo e podì essere otimisti verso el 2018
Vergine: Lo so ca par voialtri xe difisile ma fideve de mi: lasseve andare tra le onde de l'amor ca xe rivà el momento giusto.
Capricorno: Sio pronti par viver l'anno pì beo dela vostra vita (circa)? Via quel muso duro ca gavì sempre e scominsiè a brindare, che le robe le va e le andarà ben. CIN!
Gemelli: Grosse novità in arrivo, mejo eser preparà. Ghe sarà un fiatin da barufare parchè le robe no le va sempre come volì. A proposito, cosa xe ca volì?
Bilancia: Ghe xe qualcosa che no ve convice. Tolive tempo par ragionare e no ste lanciarve in situassion dubie. Ve rifarè l'anno che vien (tra poco)
Acquario: Xe ora de meterse chieti e de prepararse par l'anno novo. Come sempre, a sì un fià confusi su alcune decision da tore, ma ve tocca.
Cancro: I sarà giorni de cambiamenti e de novità, quindi a sarì un fiatin nervosetti e sotto stress (le feste no e iuta...). Portè pasiensa e magari mandè anca in mona qualchedun che se o merita.
Scorpione: La sarà na bea stimana, sia coi morosi che col sgobo. Ve va tuto ben e gavì tute le ragioni par far festa come se deve. Pai single, novità in arrivo...
Pesci: Xe ora de metar via i pensieri foschi e de darve alla pazza gioia. Le stee xe dala vostra parte e anca el 2018 el scominsierà ben. Weekend de fogo!