Oroscopo della settimana dal 19 al 25 giugno
Xe na stimana particolare pai amanti dee stee e simili. Tra el 20 e il 21, infati, ghe xe el Soltissio... Vedemo cosa ca prevede el strologo
Ariete: Ve auguro de no essere in ferie, no parchė so cativo ma parchè sta qua xe la stimana giusta par el sgobo. Con la vostra precision, ca ve xe costà anca qualche amicisia, sto giro ve va ben e tuti ve ama pai vostri capolavori. Me auguro ca no sì delinquenti. Anca in te la.camara da leto la gira ben.
Leone: A non si mai contenti, santa pasiensa! No si i primi dea classe ma le robe xe drio girar benin, dai. Sia al sgobo che coi morosi fasì la vostra porca figura. Quindi, no stasì romper le bae.
Sagittario: Marria vergine, che pesanti ca sì. Gavio presente el Puffo rompibae? Eco. Sareve in te na caneva e berghe su e, se proprio dovì ndar fora, metive un ceroto (grande) sula boca. Par le done va ben anca par cavar via i bafeti.
Toro: Sta stimana no gavì rivali al lavoro. A forsa de tirat cornade a destra e a sinistra, ve sarà vignù el torcicolo ma i risultati i xe rivà, con buona pace dei invidiosi. Ma no podì aver tuto: prevedo noti pasà a vardar le stee. Fasivene na rason.
Vergine: Aaaaaaah, finalmente a sì al top. I vostri sforsi precisini e pedanti da i so fruti in tel lavoro e (incredibie!!!!) anca con quel santo o santa ca ve soporta. Aprofitè del uikend par dar do colpi, ca va sempre ben.
Capricorno: E difficoltà le xe tante ma sto giro no gavì rivali. L'unuca roba, ca par voialtri xe dura, lo so, xe ca dovì armarve de pasiensa. Se ghe a fè, sarà na stimana beissima.
Gemelli: Mi ve lo gavio dito e stradito. El periodo vostro xera... prima! Se non ghe gavì ciapà dentro, desso ve tachè. Ve salva na s-cianta de fortuna. Contenteve.
Bilancia: Gavì l'ormon ca ve bate in testa. Do xe le robe: o tolì ferie e ve sfoghè fora o ve fe dosento docie frede al dì. Fasì voialtri e feme savere.
Acquario: dasime reta, dedicheve al sgobo. In camera da leto, i morosi preferise vardarse la reclame su tva ansichè soportarve. No panico, sucede.
Cancro: In vista de un'istà fulgida, le robe le va sa abastansa ben. Ghe xe bone prospetive de lavoro ma gavì da darve na smossa e far la valigia. No ste dismentegarve el deodorante ca xe istà.
Scorpione: Deve na calmada. Le robe le va ben ma se barufè con tuti poi finì a far brindisi da soi pai vostri sucessi e xe mia carin. Come ae dise "chi non beve in compagnia..." xe sfigà, digo mi. Dai, ca se volì a si carini.
Pesci: Disastro. Xe mia el vostro periodo, ma gnanca da distante. Cosa dirve: l'altro iorno el xera el yoga day... provè, mai se sa. Mi preferiso el bar ma se poe anca provar robe nove. Corajo, ca no pol ca andar mejo.