Oroscopo della settimana dall'11 al 17 settembre
Anca sta stimana el strologo se ga dilungà in festegiamenti par la vitoria del Lane, ma le stee le ga vardà lo steso. Xera nuvoloso... fasì voialtri
Ariete: Xe un periodo in cui gavarì bisogno dea massima concentrasion. Ghe xe dele novità e dovì eser pronti a uscire dai vostri soliti schemi se volì esere i primi dea classe, come al solito. Quindi sarì stresà ma no paura... Gavì al vostro fianco la persona giusta
Leone: El sarà un inssio stimana veramente peso. Ste distanti dale rogne e vedì che le robe le 'ndarà come che le deve. Dovarisi anca impegnarve de pì coi morosi, ca xe drio noairse. No xe ca sì un fiatin massa vanitosi?
Sagittario: Ste chieti e basta. Sta stimana a sì talmente nervosi che ris.ciè de far danni grossi. Fasì finta de aver mal de gola e no parlè co nisun, ca xe mejo...
Toro: No xe decisamente el periodo vostro: ghe sarà na serie de rogne sia in tel sgobo che in tea salute. L'umore ghin risente e i morosi podaria non gradire... ste chieti.
Vergine: La sarà na stimana duretta par la salute. Ve sì sbatù massa e desso, col cambio de stagion, ne risentì. Riposeve
Capricorno: Finalmente ga inissio el periodo vostro. Col corteo tra i denti, verso un 2018 (me sbilancio) ca sarà importantissimo par voialtri. Gavarìanca ispirassion par cambare idea su qualcosa... e fasì ben!
Gemelli: Fasivene una rason, gavì bisogno de amore e de comprension, come tuti... Come se dise, se le robe no le podì cabiare, zerchè almanco de acetare quel che xe e de caiapare el meno peso. Portè pasiesa ca fin l'ano prosimo nol andarà mejo.
Bilancia: L'inissio stimana el sarà prometente e dovì sfrutare al mejo tute le posibilità. Ocio a qualche bona proposta: mejo acetare, anca parchè ris-ciè de perdere el treno. L'ammmor ricominsia ad andare... deghe dentro.
Acquario: Nuvoloni in arrivo in tea camera da leto. Cerchè de esser pasienti e diplomatici e le robe le se giusta, se no poi xe un casin anca fora de casa
Cancro: Sarà na stimana importante par tore dele decision a lungo termine, sia in tel sgobo che in fameja. Quindi, testa a posto e poca festa!
Scorpione: A sì un fiatin nervosi e farne le spese xe chi che ve sta intorno: no ste metere sempre tuti ala prova se no i ve manda in mona, anca se ve vole ben. Podaria eserghe novità pai single...
Pesci: No sì proprio guizzanti, visto el periodo ca gavì vudo... Mejo ciaparsea con calma e fare poco e ben che tanto e male. No ste preocuparve massa ca dal mese prosimo le robe le 'ndarà mejo. Ocio a qualche ex in agguato